منتدى زراعه سابا باشا

عزيزي الزائر / عزيزتي الزائرة
يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
ادراه المنتدى



 
الرئيسيةبحـثالتسجيلدخول

شاطر | 
 

 كل ما يجب ان تعرفه عن الهندسة الزراعية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
م\محمد دياب
مشرف عام
مشرف عام
avatar

ذكر
عدد المساهمات : 467
نقاط : 940
السٌّمعَة : 6
تاريخ الميلاد : 17/12/1989
تاريخ التسجيل : 26/11/2009
العمر : 27
الموقع : zera3a.onlinegoo.com
العمل/الترفيه : مهندس
المزاج المزاج : الحزن مااااااااااااااالي العين

مُساهمةموضوع: كل ما يجب ان تعرفه عن الهندسة الزراعية   الأحد مارس 28, 2010 10:57 pm


موضوع خاص بطلبة الثانوية العامة والوافدين الجدد للهندسة الزراعية

هذه مجموعة من الاسئلة والتى قد تدور بذهن اى طالب جديد يريد معرفة مجال
الهندسة الزراعية


طبعا كلنا كنا طلبة وكلنا كان نفسنا نعرف المجال ده قبل ماندخله وكان فيه اسئله كتير بتدور فى ذهننا فيه منها اللى عرفنا اجابته ومنها اللى له بندور على اجابه ليه

نبدا الاسئلة والاجوبه ويارب تستفيدو منها



س) يعنى ايه هندسة زراعية ؟
ج- يعنى تطبيق لمفاهيم الهندسة ونظريتها فى مجال الزراعة ....يعنى وبمثال بسيط الالات الزراعية التى تستخدم فى مجال الزراعة تفتكر مين اللى صممها ......اكيد مهندس علشان يحسب القوى والعزوم والمواد وده كان السائد لحد فتره قريبه بس ظهرت مشكله وهى ان المهندس خريج الهندسة بيكون فكره كله منصب على الاله ومش بيهتم بالزرع اللى بتستخدم عليه الاله واذا عكسنا الموضوع وخلينا مهندس زراعى هو اللى يصمم هنكتشف انه صمم الاله من وجهة نظر النبات على حساب الاله لذا ظهرت الحاجه الى الهندسة الزراعية والتى يكون الخريج منها دارس للنظريات الهندسية والاحتياجات الزراعية ( ملحوظه مجال الميكنه الزراعية هو احد افرع الهندسة الزراعية )



س) انا اول مره اسمع عن هندسة زراعية ديه ... هى اتعملت امتى ؟
ج- الهندسة الزراعية موجوده فى 9 جامعات فقط فى مصر هناك بعض الجامعات التى لم تخرج حتى الان اى دفع من الهندسة الزراعية ( جامعة بنها مثلا ) وهناك جامعات اخرى خرجت دفعة او اتنين ( عين شمس والقاهره تقريبا مخرجوش غير دفعتين منهم دفعة السنادى ) وهناك جامعات عريقة فى هذا الجال وخرجت اكتر من دفعة مثل جامعة الاسكندرية والتى تعتبر اولى الجامعات المؤسسه للهندسة الزراعية



س) بتاخد كام مجموع ؟
ج- دائما بتكون هندسة زراعية بعد الحاسبات فى التنسيق
وفي الاغلب 90% الا انها قلت السنة اللي فاتت بس بسبب تدني المجاميع نزلت ل 88%
فلو فرضنا ان الحد الادنى للهندسة 93% الهندسة الزراعية هتكون 90%




س) ايه نظام الكليه والدراسة والمواد ؟
ج- يتبع قسم الهندسة الزراعية كليات الزراعة بطابع تنسيق خاص مدة الدراسة 4 سنوات يحصل الخريج بعدها على بكالريوس علوم زراعية شعبة هندسة زراعية ويقيد بنقابة الزراعين
يدرس الطالب فى السنه الاولى والثانية بعض مواد الاساسيات وفى الثالثه والرابعة مواد التخصص وفى السنه الثالثه يكون التدريب الرسمى وفى السنه الرابعة يقوم بعمل مشروع التخرج .



س) ايه تخصصات الهندسة الزراعية ؟
ج- ينقسم مجال الهندسة الزراعية الى ثلاثة افرع رئيسيه
1-مجال الميكنة الزراعية :
وده يهتم بصيانة وتصميم الالات الزراعية المختلفة والجرارات واكيد ده اكتر قسم عاوز فهم جيد للمواد الهندسية وفي نفس الوقت للمواد الزراعية
مثلا ازاي اقدر اصمم الة لخدمة محصول معين بدون مااعرف خواص المحصول ده
وفي نفس الوقت انا محتاج ادرس القوى المؤثرة على الالة والعزوم

[url=http://www.agr-eng.com/imme/1.jpg]
[/url]




2- مجال الرى والصرف :

ويهتم بشبكات الرى والصرف وتصميمها وتركيبها وصيانتها
شبكات الري
دي تصميم وحسابات لشبكات الري واللي بيدخل في الحسابات متغيرات كتيرة منها نوع النبات فلازم تتعرف عليه
فيه نوعين:

في ري مزارع






وري land scape



وده رسم هندسي لشبكة landscape









3-مجال النظم البيئية :

وده اختصاص واعد بدا الاهتمام به مؤخرا يهتم بالظروف البيئيه والتحكم فيها مثل الصوب واماكن التخزين كما يهتم بالاعمال المساعدة مثل المساحة والتسوية والطاقة النظيفة وتسخير علوم الهندسية الحديثة زي الميكاترونكس (الروبتات) والالكترونيات لخدمة الزراعة وممكن نفس العلوم دي تدخل في الالات الزراعية




س) طب ونظام اختيار التخصص ؟
ج- حتى الان وبالنظام القديم فبيكون التخصص فى السنه الثالثه والرابعة باختيار المواد او فى السنه الرابعة عن طريق اختيار مشروع التخرج فى مجال ما
ولكن النظام ده ابتدى يتغير فى بعض الجامعات ( جامعة القاهره شغاله بنظام الساعات المعتمده وجامعة عين شمس النظام ده هيتطبق السنادى لاول مره )وبكده هيكون الطالب من حقه اختيار المجال اللى هو عايزه من سنه اولى عن طريق اختيار المواد التى تخدم هذا المجال



س) اهم من كل الكلام ده ايه نظام الشغل ؟
س- من واقع سوق العمل معظم الخريجين بيشتغلو فى مجال شبكات الرى وينقسم المجال ده اللى ثلاث اقسام بترتيب الترقى فيها>> صيانة>>> تصميم>>> مبيعات
ايضا يستطيع خريج الهندسة الزراعية العمل فى مصانع الاغذيه لانه مؤهل لعمل خطوط الانتاج واختيار درجات الحراره المناسبه واختيار طرق خلط النسب وايضا طرق التخزين ودرجات الحراره المختلفه والعزل
كمان مجال الميكنة ولكن للامانه لم اصادف حتى الان حد شغال فى المجال ده
كمان مجال الطاقة الشمية والحيويه



س) طب السؤال الاهم ايه الفرق بينى وبين خريج الزراعية ( مع كل الاحترام لخريجى الزراعة )؟
ج- فيه مثال جامد اوى هيفهمك المجال
لو واحد عايز يصمم عربيه تصلح للبيئة المصريه تفتكر المفروض يدرس ايه
لو درس تصميم السيارات فقط فطبعا هتكون النتيجه عربيه من الناحيه الميكانيكيه جيده جدا ولكن لا تصلح للبيئة المصريه ......ولو درس البيئة المصريه فقط فالنتيجه هى انه هيصمم توك توك والحل انه يدرس تطبيق تصميم السيارت فى البيئة المصريه
وهو ده اللى بتعمله هندسة زراعية فطول مدة الدراسه مواد هندسية ( فى بعض الكليات يدرسها دكاتره من هندسة وبعض الكليات يذهب الطلاب الى كلية الهندسة للمحاضرات والورش ) كما يدرس المواد بعض المواد الزراعية والتى تجعله ملم بالبيئة التى يعمل بها



س) يعنى بعد كل المجهود اللى عملته فى الثانوية العامه والمجموع يضيع فى كلية زراعة ؟

ج- اولا لازم تعرف ان الزراعة مش هى اللى فى دماغك خالص ( يعنى مش الفلاح اللى بينزل كل يوم الصبح ومعاه الفاس ولابس الجلبيه )

لازم تعرف ان الزراعة دلوقتى اصبحت ذات تقدم تكنولوجى عالى جدا ( يكفى انك تعرف ان تسوية الارض بالليزر او بالاقمار الصناعية )

كمان لازم تعرف ان مجال زى شبكات الرى مثلا مش معناه انك هتحفر ترعة
معظم شبكات الرى بتكون فى الملاعب واراضى الجولف والمسطحات الخضراء ...كمان اصبح التحكم عن طريق وحدات تحكم خاصه تقوم بتشغيل الرشاشات اوتوماتيك دون اى تدخل سوى المتابعة
يكفى كمان علشان تتاكد من مجالك انك تعرف ان فيه طالبة اتخرجت السنادى من جامعة عين شمس سجلت اختراع خاص بالهندسة الزراعية عباره عن دائرة تقوم بقياس كمية المياه بالارض وتشغيل الشبكة فى حالة نقصها



س ) طب ولما هى هندسة يبقى ايه لازمة الزراعة؟
ج- منا قلتلك ينفع تصلح جهاز وانت متعرفش ده بيشتغل ازاى
ويكفى انك تعرف ان ابو الهندسة الزراعية فى مصر والوطن العربى وهو الدكتور نبيل العوضى خريج كلية الهندسة ( بالمناسبة هو رئيس الجمعية المصريه للهندسة الزراعية )


هو ده كل الكلام اللى عندى
لو عايز تعرف اكتر المواضيع ديه هتفيدك

ماذا تعرف عن الهندسة الزراعية

حوار مع أى شخص وطالب ه.ز(عارف معنى مجاله كويس)

الهندسة الزراعية فى مصر والعالم العربى

واقراء اكثر فى هذا القسم

قسم الهندسة الزراعية

الرجوع الى أعلى الصفحة اذهب الى الأسفل
م\محمد دياب
مشرف عام
مشرف عام
avatar

ذكر
عدد المساهمات : 467
نقاط : 940
السٌّمعَة : 6
تاريخ الميلاد : 17/12/1989
تاريخ التسجيل : 26/11/2009
العمر : 27
الموقع : zera3a.onlinegoo.com
العمل/الترفيه : مهندس
المزاج المزاج : الحزن مااااااااااااااالي العين

مُساهمةموضوع: رد: كل ما يجب ان تعرفه عن الهندسة الزراعية   الخميس أبريل 01, 2010 9:37 am

سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
soudlt4
عضو
عضو


ذكر
عدد المساهمات : 1
نقاط : 1
السٌّمعَة : 0
تاريخ الميلاد : 02/08/1982
تاريخ التسجيل : 21/06/2010
العمر : 35
العمل/الترفيه : الكويت
المزاج المزاج : اوكي

مُساهمةموضوع: رد: كل ما يجب ان تعرفه عن الهندسة الزراعية   الإثنين يونيو 21, 2010 3:07 pm

السلام عليكم
انا من الكويت ايه الجامعات الي فيهم تخصص زراعة ابي اعرف اسامي الجامعات اذا ممكن
الرجوع الى أعلى الصفحة اذهب الى الأسفل
م\محمد دياب
مشرف عام
مشرف عام
avatar

ذكر
عدد المساهمات : 467
نقاط : 940
السٌّمعَة : 6
تاريخ الميلاد : 17/12/1989
تاريخ التسجيل : 26/11/2009
العمر : 27
الموقع : zera3a.onlinegoo.com
العمل/الترفيه : مهندس
المزاج المزاج : الحزن مااااااااااااااالي العين

مُساهمةموضوع: السلام عليكم   الثلاثاء يونيو 22, 2010 12:59 am

واللهي في الحقيقه معظم جامعات مصر فيها كليات زراعه وعلي سبيل المثال الاسكندريه وكفر الشيخ والزقازيق وقنا ..........etc
الرجوع الى أعلى الصفحة اذهب الى الأسفل
 
كل ما يجب ان تعرفه عن الهندسة الزراعية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى زراعه سابا باشا :: مشاركات الطلاب والباحثين :: المـــــــــنتدي الـــــــــــــزراعي الــــــــــــــــــــعام-
انتقل الى: